ਵੱਡਾ ਖੁਲਾਸਾ 650 ਕਰੋੜ ਖ਼ਰਚ ਕਰਨ ਤੋਂ ਬਾਅਦ ਵੀ ਬੁੱਢੇ ਨਾਲ਼ੇ ਚ ਕਈ ਜਗਾ ਡਿੱਗ ਰਿਹਾ ਸਿਵਰੇਜ ਦਾ ਪਾਣੀ

ਵੱਡਾ ਖੁਲਾਸਾ 650 ਕਰੋੜ ਖ਼ਰਚ ਕਰਨ ਤੋਂ ਬਾਅਦ ਵੀ ਬੁੱਢੇ ਨਾਲ਼ੇ ਚ ਕਈ ਜਗਾ ਡਿੱਗ ਰਿਹਾ ਸਿਵਰੇਜ ਦਾ ਪਾਣੀ

ਲੁਧਿਆਣਾ (NORTH INDIA REPOTER) : 650 ਕਰੋੜ ਖਰਚ ਕਰਨ ਤੋਂ ਬਾਅਦ ਵੀ ਬੁੱਢੇ ਨਾਲੇ ’ਚ ਕਈ ਥਾਈਂ ਸਿੱਧੇ ਤੌਰ ’ਤੇ ਸੀਵਰੇਜ ਦਾ ਪਾਣੀ ਡਿੱਗ ਰਿਹਾ ਹੈ। ਇਹ ਖੁਲਾਸਾ ਸ਼ੁੱਕਰਵਾਰ ਨੂੰ ਡੀ. ਸੀ. ਅਤੇ ਨਗਰ ਨਿਗਮ ਕਮਿਸ਼ਨਰ ਵਲੋਂ ਬੁਲਾਈ ਗਈ ਮੀਟਿੰਗ ਦੌਰਾਨ ਹੋਇਆ, ਜਿਥੇ ਸੰਤ ਸੀਚੇਵਾਲ ਵੀ ਮੌਜੂਦ ਸੀ। ਇਸ ਸਬੰਧੀ ਜਾਰੀ ਪ੍ਰੈੱਸ ਨੋਟ ਵਿਚ ਅਫਸਰਾਂ ਦੇ ਹਵਾਲੇ ਨਾਲ ਜ਼ਿਕਰ ਕੀਤਾ ਗਿਆ ਕਿ ਬੁੱਢੇ ਨਾਲੇ ਵਿਚ ਕਈ ਥਾਈਂ ਸਿੱਧੇ ਤੌਰ ’ਤੇ ਸੀਵਰੇਜ ਦਾ ਪਾਣੀ ਡਿੱਗਣ ਦੇ ਪੁਆਇੰਟ ਦਸੰਬਰ ਤੱਕ ਬੰਦ ਹੋ ਜਾਣਗੇ। ਹਾਲਾਂਕਿ ਇਸ ਤੋਂ ਪਹਿਲਾਂ ਨਗਰ ਨਿਗਮ ਦੇ ਅਫਸਰ ਕਈ ਵਾਰ ਬੁੱਢੇ ਨਾਲੇ ’ਚ ਸਿੱਧੇ ਤੌਰ ’ਤੇ ਸੀਵਰੇਜ ਦਾ ਪਾਣੀ ਨਾ ਡਿੱਗਣ ਦਾ ਦਾਅਵਾ ਕਰ ਚੁੱਕੇ ਹਨ ਪਰ ਹਾਲ ਹੀ ਵਿਚ ਗਊਸ਼ਾਲਾ ਸ਼ਮਸ਼ਾਨਘਾਟ ਨੇੜੇ ਸਥਿਤ ਪੁਆਇੰਟ ’ਤੇ 2 ਡਿਸਪੋਜ਼ਲ ਲਗਾਉਣ ਦੇ ਬਾਵਜੂਦ ਬੁੱਢੇ ਨਾਲੇ ’ਚ ਸਿੱਧੇ ਤੌਰ ’ਤੇ ਸੀਵਰੇਜ ਦੇ ਨਾਲ ਕੈਮੀਕਲ ਵਾਲਾ ਪਾਣੀ ਡਿੱਗਣ ਬੰਦ ਨਹੀਂ ਹੋਇਆ।

ਇਹ ਵੀ ਪੜ੍ਹੋ : ਅਧਿਆਪਕ ਬਣਨ ਦੇ ਚਾਹਵਾਨਾਂ ਲਈ ਵੱਡੀ ਖ਼ਬਰ: ਇਸ ਮਹੀਨੇ ਹੋਵੇਗਾ CTET ਦਾ ਪੇਪਰ

ਇਸੇ ਤਰ੍ਹਾਂ ਹੈਬੋਵਾਲ ਅਤੇ ਤਾਜਪੁਰ ਰੋਡ ਸਥਿਤ ਡੇਅਰੀਆਂ ਦਾ ਗੋਹਾ ਵੀ ਲਗਾਤਾਰ ਸਿੱਧੇ ਤੌਰ ’ਤੇ ਬੁੱਢੇ ਨਾਲੇ ਵਿਚ ਡਿੱਗ ਰਿਹਾ ਹੈ, ਜਿਸ ਦੇ ਲਈ ਡੇਅਰੀ ਮਾਲਕਾਂ ਨੂੰ ਬੁੱਢੇ ਨਾਲੇ ’ਚ ਗੋਹਾ ਸੁੱਟਣਾ ਬੰਦ ਨਾ ਕਰਨ ਦੀ ਸੂਰਤ ਵਿਚ ਸਖ਼ਤੀ ਵਧਾਉਣ ਦੀ ਵਾਰਨਿੰਗ ਦਿੱਤੀ ਗਈ ਹੈ।

ਸੀਵਰੇਜ ਬੋਰਡ ਦੇ ਅਫਸਰਾਂ ’ਤੇ ਡਿੱਗੇਗੀ ਗਾਜ
ਮੀਟਿੰਗ ’ਚ ਸ਼ਾਮਲ ਸੀਵਰੇਜ ਬੋਰਡ ਦੇ ਅਫਸਰਾਂ ਦੀ ਕਲਾਸ ਲਗਾਈ ਗਈ ਅਤੇ ਐੱਸ. ਟੀ. ਪੀ. ਜਾਂ ਈ. ਟੀ. ਪੀ. ਪਲਾਂਟ ਠੀਕ ਢੰਗ ਨਾਲ ਨਾ ਚੱਲਣ ’ਤੇ ਕਾਰਵਾਈ ਕਰਨ ਦੀ ਚਿਵਾਤਨੀ ਦਿੱਤੀ ਗਈ। ਇਸ ਤੋਂ ਪਹਿਲਾਂ ਸੀਵਰੇਜ ਬੋਰਡ ਦੇ ਅਫਸਰਾਂ ਦੇ ਦਾਅਵੇ ਦੇ ਉਲਟ ਗਊਸ਼ਾਲਾ ਸ਼ਮਸ਼ਾਨਘਾਟ ਨੇੜੇ ਸਥਿਤ ਪੁਆਇਟ ’ਤੇ ਡਿਸਪੋਜ਼ਲ ਦੀਆਂ ਮੋਟਰਾਂ 2 ਵਾਰ ਬੰਦ ਹੋਣ ਦੀ ਵੀਡੀਓ ਬਣਾ ਕੇ ਸੰਤ ਸੀਚੇਵਾਲ ਵਲੋਂ 2 ਵਾਰ ਸੀ. ਐੱਮ. ਅਤੇ ਗਵਰਨਰ ਨੂੰ ਭੇਜੀ ਗਈ ਹੈ।