ਕਿਸਾਨ ਜਥੇਬੰਦੀ ਨੇ ਅੱਜ ਅਨਾਜ ਮੰਡੀ ਤੋਂ ਲੈਂਡ ਪੂਲਿੰਗ ਪਾਲਿਸੀ ਖਿਲਾਫ ਮੋਟਰਸਾਈਕਲ ਰੋਸ ਮਾਰਚ ਕੱਢਿਆ

ਕਿਸਾਨ ਜਥੇਬੰਦੀ ਨੇ ਅੱਜ ਅਨਾਜ ਮੰਡੀ ਤੋਂ  ਲੈਂਡ ਪੂਲਿੰਗ ਪਾਲਿਸੀ ਖਿਲਾਫ ਮੋਟਰਸਾਈਕਲ ਰੋਸ ਮਾਰਚ ਕੱਢਿਆ

ਟਾਂਡਾ ਉੜਮੁੜ, 11 ਅਗਸਤ (ਅਰਜੁਨ ਜੈਨ)-ਕਿਸਾਨ-ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਵੱਲੋਂ ਅੱਜ ਅਨਾਜ ਮੰਡੀ ਟਾਂਡਾ ਤੋਂ ਮੋਟਰਸਾਈਕਲ ਰੋਸ ਮਾਰਚ ਕੱਢਦੇ ਹੋਏ ਲੈਂਡ ਪੂਲਿੰਗ ਪਾਲਿਸੀ ਦਾ ਵਿਰੋਧ ਕੀਤਾ ਗਿਆ | ਕਿਸਾਨ ਮੋਰਚਾ ਦੇ ਸੱਦੇ ਤੇ ਜ਼ਿਲਾ ਪ੍ਰਧਾਨ ਪਰਮਜੀਤ ਸਿੰਘ ਭੁੱਲਾ ਦੀ ਅਗਵਾਈ ਵਿਚ ਕੱਢੇ ਗਏ ਇਸ ਰੋਸ ਮਾਰਚ ਦੌਰਾਨ ਕਿਸਾਨਾਂ ਕਿਰਤੀਆਂ ਦੇ ਨਾਲ ਨਾਲ ਵੱਖ ਵੱਖ ਮੁਲਾਜਮ ਅਤੇ ਸਜਾਮਿਕ ਜਥੇਬੰਦੀਆਂ ਦੇ ਆਗੂਆਂ ਨੇ ਵੀ ਭਾਗ ਲਿਆ |

ਇਸ ਦੌਰਾਨ ਜ਼ਿਲਾ ਪ੍ਰਧਾਨ ਭੁੱਲਾ ਨੇ ਸਰਕਾਰ ਵੱਲੋਂ ਲਿਆਂਦੀ ਗਈ ਲੈਂਡ ਪੁਲਿੰਗ ਪਾਲਿਸੀ ਨੂੰ ਕਿਸਾਨ ਵਿਰੋਧੀ ਕਰਾਰ ਦਿੰਦੇ ਹੋਏ ਆਖਿਆ ਕਿ ਇਸਨੂੰ ਲਾਗੂ ਨਹੀਂ ਹੋਣ ਦਿੱਤਾ ਜਾਵੇਗਾ | ਇਸ ਮੌਕੇ ਵੱਖ ਵੱਖ ਬੁਲਾਰਿਆਂ ਨੇ ਇਸ ਪਾਲਿਸੀ ਦੇ ਨੁਕਸਾਨ ਬਾਰੇ ਦੱਸਿਆ | ਇਹ ਮਾਰਚ ਅਨਾਜ ਮੰਡੀ ਟਾਂਡਾ ਤੋਂ ਸਵੇਰੇ 11 ਵਜੇ ਦੇ ਕਰੀਬ ਸ਼ੁਰੂ ਹੋ ਕੇ ਉੜਮੁੜ, ਹਾਈਵੇਅ, ਦਸੂਹਾ ਤੋਂ ਹੁੰਦਾ ਹੋਇਆ ਗੁਰਦੁਆਰਾ ਗਰਨਾ ਸਾਹਿਬ ਆਕੇ ਸੰਪੰਨ ਹੋਇਆ |

ਇਸ ਮੌਕੇ ਕੁਲਦੀਪ ਸਿੰਘ ਬੇਗੋਵਾਲ, ਹਰਦੀਪ ਸਿੰਘ ਖੁੱਡਾ, ਰਮੇਸ਼ ਹੁਸ਼ਿਆਰਪੁਰੀ, ਜਗਦੀਪ ਸਿੰਘ ਜੱਗੀ ਗਿੱਲ, ਦਵਿੰਦਰ ਸਿੰਘ ਕਾਹਲੋਂ, ਨਿਸ਼ਾਨ ਸਿੰਘ ਫੌਜੀ ਕਾਲੋਨੀ, ਗੁਰਜੀਤ ਸਿੰਘ ਕੰਗ, ਗਣੇਸ਼ ਦੋਸਾਂਝ, ਲਭਿੰਦਰ ਸਿੰਘ ਜੌੜਾ, ਸੁਖਵੀਰ ਸਿੰਘ ਨਰਵਾਲ, ਸਰਪੰਚ ਹੀਰਾ ਸਿੰਘ, ਕਾਲਾ ਸਿੰਘ ਮਿਆਣੀ, ਰਜਿੰਦਰ ਸਿੰਘ ਵੜੈਚ, ਸਤਨਾਮ ਸਿੰਘ ਔਲਖ, ਨਿਰਮਲ ਸਿੰਘ ਬਾਜਵਾ, ਅਰਵਿੰਦਰ ਸਿੰਘ ਰਾਣਾ, ਗੁਰਸੇਵਕ ਟਾਹਲੀ ਜੱਸਾ ਕਾਲੜਾ, ਲੱਖੀ ਸਿੰਘ ਮੁਲਤਾਨੀ, ਸਰਪੰਚ ਰਜਿੰਦਰ ਸਿੰਘ ਨੱਥੂਪੁਰ, ਦਲਜਿੰਦਰ ਸਿੰਘ ਛੰਨਿਆਂ, ਸਤਵੰਤ ਸਿੰਘ ਸੰਧੂ, ਜਰਨੈਲ ਸਿੰਘ ਸੰਧੂ , ਪ੍ਰਦੀਪ ਸਿੰਘ ਚਨਾਉਤਾ ਮੇਜਰ ਸਿੰਘ, ਗੁਰਮੀਤ ਸਿੰਘ, ਲਾਡੀ ਚੌਹਾਨ ਆਦਿ ਮੌਜੂਦ ਸਨ |